Повеќе лица загинаа денес во авионска несреќа откако авион се урна при слетување на регионален аеродром во американската држава Северна Каролина, соопштија официјални лица.
Шест лица биле во авионот кога се урна на регионалниот аеродром Стејтсвил, изјавија за новинарите официјални лица кои го истражуваат инцидентот. Шерифот на округот Иредел, Дарен Кембел, потврди за „АП“ дека имало жртви, но не го прецизираше бројот.
Според податоците за регистрација, авионот е во сопственост на приватна компанија поврзана со Грег Бифл, пензиониран возач на НАСКАР, објави локалниот медиум WBTV, филијала на „Си-би-ес“.
Директорот на аеродромот Стејтсвил, Џон Фергусон, го опиша авионот како деловен авион и рече дека веќе бил во пламен кога пристигнал на местото на настанот.
Аеродромот Стејтсвил ќе остане затворен до понатамошно известување додека екипите ги отстранат остатоците од пистата, рече Фергусон.
Службениците не дадоа дополнителни информации за жртвите или идентитетот на лицата во авионот, објави „Танјуг“.
Националниот одбор за безбедност на сообраќајот на САД (NTSB), кој ја води истрагата, соопшти дека испраќа специјален истражен тим на местото на несреќата, кој се очекува да пристигне во текот на вечерта.
Breaking: Multiple deaths after a plane crash at Statesville Regional Airport in North Carolina. WSOC, a local news channel, reports that NASCAR driver Greg Biffle owns the plane, although it is unclear if he was on board. pic.twitter.com/nzZMhSg1Tm
— PM Breaking News (@PMBreakingNews) December 18, 2025
