Специјалниот претставник на САД, Стив Виткоф, и американскиот бизнисмен Џаред Кушнер нема да се сретнат со украинскиот претседател Володимир Зеленски во Брисел откако планираната средба беше откажана, објави новинарот „Еуроњуз“, повикувајќи се на извори.
„Зеленски се враќа дома“, рече Рафоглу на социјалните мрежи, без да открие дополнителни детали. Во моментов нема официјални информации за причините за откажувањето на средбата.
Податоците од платформата Flightradar24 претходно укажуваа дека авионот на специјалниот претставник на американскиот претседател Доналд Трамп, Стив Виткоф, не слета во Европа, туку го продолжи летот кон Соединетите Американски Држави. Според овие податоци, „Bombardier Global 7500“ на Виткоф го напушти исландскиот воздушен простор и се упати преку Атлантикот кон Северна Америка.
И покрај ова, некои француски медиуми претходно објавија дека разговорите на Виткоф со украинските претставници, по неговата посета на Москва, би можеле да се одржат на 3 декември во Брисел, но таа средба не се одржа.
