Авионот кој исчезна од радарот во Хрватска, се урнал во близина на Сењ за време на повратен лет помеѓу Риека и Загреб – пронајдено е телото на пилотот

Авионот „Ер Трактор АТ-802“  кој исчезна од радарот, се урна за време на повратен лет помеѓу Риека и Загреб, соопшти Дирекцијата за цивилна заштита на Хрватска.

Дирекцијата за цивилна заштита доби извештај за исчезнување на авионот од радарот од хрватската контрола на летање во 16:53 часот, а во 17:11 часот пристигна извештај за падот и пожар.

Според првичните информации, турски авион „Ер Трактор АТ-802“ се урна во областа Криви Пут. Телото на пилотот е пронајдено.