Еден од најголемите астероиди оваа година ќе помине блиску до Земјата денеска, четврток 18 септември, на растојание малку поголемо од дијаметарот на лунарната орбита, објави Лабораторијата за сончева астрономија на Институтот за вселенски истражувања на Руската академија на науките.
„Еден од најголемите астероиди оваа година, „2025 FA22“, ќе помине на 18 септември, на растојание малку поголемо од дијаметарот на лунарната орбита од Земјата, приближувајќи се кон планетата на минимално растојание околу 10:00 часот по московско време, односно 9:00 часот по централноевропско време“, се вели во соопштението.
Лабораторијата истакнува дека просечниот дијаметар на астероидот е 166 метри, а должината е 290 метри. Исто така, масата на астероидот е околу 1.000 пати поголема од масата на метеоритот Чељабинск.
Чељабинскиот метеорит беше мал астероид кој се распадна во атмосферата над Чељабинск, Русија, на 15 февруари 2013 година, предизвикувајќи моќен ударен бран и звучен бум што повреди околу 1.200 луѓе и оштети бројни згради.
Ударот ослободи енергија еквивалентна на 20-30 атомски бомби, што го прави еден од најголемите метеори што се распаднале во атмосферата на Земјата во последните 150 години.
ИЗДВОЕНИ
Тошковски за случајот со убиството во Велес: МВР поднело кривична пријава, обвинителството бара, а судот одредува притвор и носи пресуда
Македонскиот Пулс и во „брзата правда“ потсетува на романскиот Колектив
Годинава минималниот износ на К-15 ќе биде 18.000 денари, а за добрите фирми „само небото е граница“
Во последните 5 години, дури 20 усмртени во семејно насилство
