Апокалиптични сцени од Шпанија: Бурата Алис носи сé пред себе, луѓето заробени во зградите и возилата!/ФОТО/ВИДЕО

Од страна на
Вечер
-
95
screenshot X

Силни поплави предизвикани од обилни дождови го погодија североисточниот дел на Шпанија, поточно регионот Каталонија, каде што голем број луѓе беа заробени во своите автомобили, објавија локалните власти, а пренесува Би-Би-Си.

На социјалните мрежи кружат драматични снимки на кои се гледаат порои од каллива вода како беснеат низ градовите Ла Рапита и Санта Барбара во покраината Тарагона, уништувајќи и носејќи сè на својот пат. Поради екстремната бура, шпанската метеоролошка агенција AEMET прогласи црвен аларм, највисоко ниво на предупредување за крајбрежните области.

Досега нема пријавени жртви или повредени.

Каталонската агенција за цивилна заштита апелираше до жителите на делтата на реката Ебро да не ги напуштаат своите домови. Според метеоролозите, во следните 12 часа би можеле да наврнат до 180 милиметри дожд.

„Ситуацијата е сложена и се очекуваат повеќе врнежи“, изјави Кристина Висенте, висок функционер на агенцијата, пренесува весникот „Ла Вангуардија“.

Поради поплавите, железничкиот сообраќај на Медитеранскиот коридор, кој ги поврзува големите градови како Барселона и Валенсија, беше исто така привремено прекинат.

Во текот на изминатите неколку дена, обилни дождови и поплави ги погодија и другите делови од југоисточна Шпанија, вклучувајќи ги и Балеарските Острови. Причина за екстремното време е бурата Алис, која се формираше над западниот Медитеран.

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ