Апокалиптични сцени од Сицилија: Свлечиште се заканува да голтне град, куќите висат над работ на пропаста, жителите евакуирани/ВИДЕО

Минатата недела, силни бури го погодија сицилијанскиот град Нишеми. Градот се наоѓа на висорамнина за која властите велат дека постепено се урива кон низината. Лизгањето на земјиштето, кое се протега на четири километри, принуди многумина да ги напуштат своите домови за сопствена безбедност; околу 1.600 луѓе беа евакуирани.

Мештаните велат дека чекаат поправки 30 години, но властите не направиле ништо за да ја спречат катастрофата што моментално се одвива во градот со околу 25.000 жители во централна јужна Сицилија, пишува ilsole24ore.com.

Градот се наоѓа на исклучително нестабилна глинеста и варовничка почва, а таму се евидентирани лизгања на земјиштето уште од 18 век. Сепак, сериозно активирање се случило во 1997 година. Со оглед на тоа што Нишеми е познат по земјоделството и одгледувањето виолетови артишоки, мештаните стравуваат за својата иднина.

„Геолозите велат дека нема споредлив случај во цела Европа. На некои места линијата на свлечиштето е длабока до 50 метри, буквално е создаден кањон“, предупредува дон Џузепе Кафа, свештеник на локалната црква „Свето срце“.

Heavy rains wreak havoc in Italy 🇮🇹A massive 4-kilometer-long landslide occurred in the Niscemi area of Sicily following heavy rain. 📷 More than 1,000 people displaced 📷 Emergency services engaged in relief operations #Sicily #Landslide pic.twitter.com/SiRPuJa4ZW

— Nature Moments (@NatureMomentz) January 28, 2026