Апелацискиот суд на САД привремено ја суспендираше пресудата на понискиот суд со која му беше наредено на претседателот на САД, Доналд Трамп, да ја стави Националната гарда под надлежност на гувернерот на Калифорнија, дозволувајќи им на трупите на Националната гарда засега да останат распоредени во Лос Анџелес, во услови на протести предизвикани од зголемените рации врз имигрантите.
Одлуката на тројцаta судии на 9-тиот окружен апелационен суд, составен од двајца судии назначени од Трамп и еден назначен од поранешниот претседател Џо Бајден, привремено ја задржува командната контрола врз Гардата, до почетокот на сослушувањето закажано за вторник, објави Ројтерс.
Пресудата на окружниот судија во Сан Франциско, Чарлс Брејер, го прогласи распоредувањето на Гардата од страна на Трамп за „неуставно“ и му наложи на гувернерот на Калифорнија, Гевин Њусом, да ја преземе Гардата.
