Анте Ребиќ е сензација во Хрватска, на цело село им ги исплати кредитите!

Анте Ребиќ е најголемото засилување во хрватската лига ова лето, а потпиша за тимот на Хајдук од Сплит и се врати во својот роден град по повеќе од една деценија. Договорот на Ребиќ со Лече истече ова лето, имаше шпекулации дека можеби ќе остане во Италија или ќе се врати во Турција, но на крајот „неговото срце одлучи“ да ја прифати понудата на Хајдук, каде што ќе заработува 450.000 евра годишно.

Иако е роден во Сплит, тој, всушност, никогаш не играл за овој клуб, а негов матичен тим е селскиот клуб Вињани. Потоа играше и за Имотски, пред да го напушти ПРК Сплит за Фиорентина во 2013 година.

Но, она што привлече големо внимание во балканските медиуми е неговиот гест од пред седум години. Имено, Ребиќ во јули 2018 година им ги отплати сите кредити на мештаните во родното село Вињање Доње, кое се наоѓа во Имотски Поље, покрај границата со Босна. Тој никогаш не сакал јавно да зборува за тоа, но оваа информација излезе преку неговиот поранешен соиграч од младинската репрезентација, Ловро Шиндик.

• Во неговото село, Анте им ги отплаќаше кредитите на сите, таму живеат 500 луѓе, рече Ловро Шиндик пред неколку години, откривајќи дека Ребиќ го правел ова практично од неговата прва голема плата.

Неговите родители сè уште живеат скромно. Таткото Бошко е возач на камион, а мајката Недиљка е вработена во општината. Иако нивниот син е остварен фудбалер, тие не го промениле премногу својот начин на живот, па затоа не е изненадувачки што Анте Ребиќ е толку приврзан кон селото. Тој, исто така, има две сестри таму, Мара и Ката.

Освен што им помага на селаните, тој редовно им помага на фудбалските клубови и испраќа топки, дресови, опрема, што и да е потребно, додека ја реновираше и црквата во неговото село.

Анте Ребиќ не играл за хрватската репрезентација четири години и јасно е дека веќе нема да го носи „коцкестиот“ дрес, барем додека селектор е Златко Далиќ. По 42 натпревари и три гола за Хрватска, тој беше прецртан затоа што го навреди Далиќ на социјалните мрежи и оттогаш не е поканет во националниот тим.

Меѓу другото, Ребиќ го критикуваше Далиќ за слабиот настап на Хрватска на Европското првенство 2021, потоа рече дека репрезентацијата игра „како срање“, потоа му посвети стихови на „Инстаграм“, па Далиќ реши повеќе да не добива повик.