Од Центарот за управување со кризи информираат дека на терен е ангажиран голем број екипи и сили за гаснење на пожарот во реонот на Палиград и Китка.
Во интервенцијата се вклучени три авиони и два пинцгауери на ДЗС, еден хеликоптер на МВР, екипите на Противпожарната бригада на Град Скопје, како и екипите на Национални шуми.
Директорот на ЦУК, Мухамед Али акцијата ја координира директно од терен. Сите екипи дејствуваат со засилен интензитет за локализирање и гаснење на пожарот, како и за спречување на неговото понатамошно ширење.
– Во моментов нема опасност за селото Палиград, ниту за другите села во подрачјето на Каршијак. Состојбата континуирано се следи, а сите екипи остануваат во целосна готовност за навремена реакција, со цел заштита на жителите и спречување на каква било потенцијална опасност – информираа од ЦУК.
