Анџелина Џоли дефинитивно го напушта Холивуд: Ја продава вилата во Лос Анџелес и започнува ново животно поглавје

Анџелина Џоли го напушта Холивуд за да започне ново поглавје во својот живот, најверојатно надвор од САД, изјавија извори за „Пејџ сикс“.

Актерката, режисерка и хуманитарка го стави на продажба историскиот имот на Сесил Б. ДеМил, вреден 25 милиони долари, каде што живее од 2016 година, и дискретно почна да ја покажува куќата на потенцијални купувачи, изјави извор за „Пил“.

Оваа година, Џоли ќе живее помеѓу Њујорк, каде што го има својот моден колектив и бутик „Ателје Џоли“, и Европа, за поголема приватност, како и во нејзиниот долгогодишен втор дом, Камбоџа, чиј граѓанин е, изјавија извори за „Пејџ сикс“.

„Таа не може доволно да се оддалечи од драмата. Единствениот начин на кој може да направи пауза е да си замине. Ќе си замине и ќе прави само она што го трога нејзиното срце, душа и страст. Таа е прекрасна, талентирана и несебична жена“, рече Џеј Бенџамин, актер и продуцент чија врска со Џоли датира од 2005 година.

Драмата на актерката главно се врти околу нејзиниот горчлив развод од поранешниот сопруг Бред Пит, со кого постигна конечен договор за развод на 30 декември 2024 година. Ова се случи осум години откако таа поднесе барање за развод, среде низа правни битки што следеа.