Американскиот Стејт департмент понуди награда за информации за канадскиот трговец со дрога Вединг

Бирото за меѓународни работи за наркотици и спроведување на законот при американскиот Стејт департмент објави дека ја зголемило наградата на 15 милиони долари. За информации што ќе доведат до апсење и/или осуда на канадскиот трговец со дрога Рајан Џејмс Вединг.

Наградата, која е зголемена од 10 милиони долари на 15 милиони долари, се нуди во координација со американското ФБИ и владите на Канада и Мексико, како дел од заедничкиот напор Вединг да се изведе пред лицето на правдата, според соопштението објавено на веб-страницата на „Стејт департментот“.

Се нудат и награди до 2 милиони долари за информации што ќе доведат до апсење и/или осуда на повеќе непознати убијци одговорни за убиствата на соработниците на Вединг во колумбискиот град Меделин во јануари 2025 година.

Вединг, кој е на листата на десетте најбарани бегалци на ФБИ, е поранешен олимписки сноубордер кој ја претставуваше Канада на Зимските олимписки игри во 2002 година во Солт Лејк Сити, Јута.

По кариерата во сноубординг, Вединг се свртел кон криминал и меѓународна трговија со дрога.

Според обвиненијата, Вединг и неговите соучесници се заговориле за испорака на големи количини кокаин со тежина од стотици килограми од Јужна Калифорнија до Канада помеѓу јануари 2024 и август 2024 година преку мрежа за транспорт и дистрибуција на дрога со седиште во Канада, контролирана од соучесник со седиште во Онтарио. Организацијата на Вединг наводно извршила егзекуции за да ги оствари своите цели, вклучително и убиството на двајца членови на семејството во ноември 2023 година во Онтарио и убиството на друга жртва во мај 2024 година, исто така во Канада, кај Нијагарините водопади поради неплатен долг за дрога, објави „Танјуг“.

Вединг и неколку соучесници се обвинети и за учество во убиството на сведок на американската федерална влада против Вединг во Колумбија во јануари 2025 година.