Американскиот сенат потврди: Свекорот на Трамп номиниран за амбасадор во Франција иако бил во затвор

Сенатот на САД ја потврди номинацијата на инвеститорот во недвижнини Чарлс Кушнер за амбасадор во Франција. Ова е таткото на Џаред Кушнер, кој е зет на американскиот претседател Доналд Трамп, пренесува Klix.ba.

Чарлс Кушнер беше помилуван од Трамп во декември 2020 година, откако неколку години претходно се изјасни за виновен за даночно затајување и нелегални донации во кампањата.

Обвинителите, исто така, утврдија дека тој смислил план за одмазда и заплашување откако открил дека неговиот девер соработува со федералните власти во истрагата. Наводно, најмил проститутка и договорил средбата да биде снимена со скриена камера за да и ја испрати на својата сестра, сопругата на повредениот.

Кушнер е основач на Kushner Companies, фирма за недвижнини. Неговиот син Џаред е поранешен висок советник на Трамп во Белата куќа и е оженет со најстарата ќерка на Трамп, Иванка. Кога ја објави својата намера да го номинира Чарлс Кушнер во ноември, Трамп го нарече „исклучителен бизнис лидер, филантроп и склучувач на зделки“.

На сослушувањето за потврда во Сенатот претходно овој месец, Кушнер рече дека ќе соработува тесно со Франција за „да донесе поголема рамнотежа во нашите важни економски односи“, а исто така ја охрабри Франција да „инвестира повеќе во своите одбранбени капацитети, како и да ја води ЕУ кон усогласување со американската визија за зголемени европски безбедносни обврски“.

Тој најави дека ќе отпатува во Франција бидејќи односите меѓу двата традиционални сојузници, како и меѓу САД и остатокот од Европа, се затегнати поради трговската политика на Трамп и улогата на САД во војната во Украина.