Американскиот инвестициски фонд „Ноубл Капитал РСД“ денес поднесе тужба во американскиот федерален суд против Руската Федерација, Министерството за финансии и Националниот фонд за богатство на Русија, барајќи Русија да ги признае обврските по „обврзниците на Империјална Русија“ издадени во 1916 година, во вкупен проценет износ од 225,8 милијарди долари.
Тужбата е поднесена во судот во округот Колумбија, а фондот предлага да го отплати долгот користејќи руски суверени средства замрзнати по анексијата на Крим во 2014 година и почетокот на конфликтот во Украина во 2022 година, објавува рускиот портал РБК.
„Ноубл Капитал РСД“ тврди дека е законски сопственик на 25 милиони долари руски империјални обврзници со купон од 5,5 проценти, издадени преку Националната градска банка на Њујорк.
