Американскиот актер Дензел Вашингтон доби почесна Златна палма на Канскиот филмски фестивал, пред светската премиера на „Од највисоко до најниско“ на Спајк Ли, нивната петта соработка.
Филмот се прикажува надвор од конкуренција, објавува Deadline, пренесе „Танјуг“.
Ненајавената награда дојде по ретроспективната проекција на брилијантната кариера на Дензел Вашингтон во фестивалската Палата.
Веста ја објави директорот на фестивалот Тиери Фремо.
„Ова е навистина посебен ден. Дензел, бидејќи си тука, сакавме да направиме нешто посебно за тебе… тоа е наш начин да го покажеме нашето восхитување за сè што си направил за филмот. Никој не знаеше за ова освен Спајк Ли, кој ми пиша да го направам тоа“, рече Фремо.
Спајк Ли му ја врачи почесната Палма на Вашингтон.
„Ова е мојот брат. Го сакам, го сакам. Мило ми е што си тука каде што сите луѓе те сакаат“, рече Ли, прегрнувајќи го актерот.
Филмскиот фестивал во Кан трае до 24 мај.
Denzel Washington receives a surprise Palme d’Or from Spike Lee at the world premiere of their film “Highest 2 Lowest”. ✨ #CannesFilmFestival
🎥 @Variety pic.twitter.com/bmhX0q9TCp
— Spur Play (@spurplay) May 19, 2025
