Американскиот тешкаш, Дерик Луис, даде инкриминирачка изјава за УФЦ-организацијата, објаснувајќи зошто е во „најдобрата форма во својот живот“ пред неговата следна борба. Луис, кој следниот месец ќе наполни 41 година, се враќа во октагонот оваа сабота на УФЦ 324 во Лас Вегас, каде што ќе се соочи со Валдо Кортес-Акоста.

Појавувајќи се во еден поткаст, Луис и неговиот тренер, Боб Перез, зборуваа за неговата кондициска подготовка, а нивните коментари привлекоа големо внимание.

  • Нема да ве лажам: моментално сум во најдобрата форма во мојот живот, рече Луис, додавајќи: „Ментално, физички, сè оди одлично, совршено. УФЦ ми обезбеди неколку одлични пептиди и ги земам секој ден и можам да ја почувствувам разликата.“

Свој коментар имаше и неговиот тренер Перез.

  • Денес бев навистина горд на Дерик. Вчера беше како во видеоигра. Ќе му дадев насока или ќе му направев приспособување и тој веднаш ќе го стореше тоа што го барав од него. Неговото закрепнување беше неверојатно. Направивме три рунди од по пет минути. Бев воодушевен колку брзо почнаа да дејствуваат пептидите. Ова ќе биде пресвртница за него, истакна Перез.

Проблемот со овие изјави е што, според правилата на УФЦ за антидопинг, пептидите се забранети. Тврдењето дека УФЦ „му обезбедил одлични пептиди“ на Луис го привлече вниманието на Џеф Новицки, виш потпретседател на УФЦ за здравје и перформанси на спортистите, кој се обиде да ја разјасни ситуацијата на платформата „Икс“.

  • УФЦ НЕ му обезбеди пептиди на Дерик Луис. Пептидите се забранети во секое време според, правилата на УФЦ и атлетската комисија. Изјавата на Дерик се однесува на инјектирани соединенија кои се тестирани од трета страна и се сертифицирани како ДОЗВОЛЕНИ ВО СЕКОЕ ВРЕМЕ, напиша Новицки.

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ