Помалку од два часа пред најавеното „уништување на цивилизацијата“, САД и Иран постигнаа договор за прекин на огнот, кој вклучува непречен премин на трговски бродови низ Ормускиот теснец. Израел, исто така, се согласи на прекин на огнот, а Пакистан тврди дека е постигнат прекин на огнот и во Либан.
„По разговорот со пакистанскиот премиер Шахбаз Шариф и фелдмаршалот Асим Мунир и нивното барање да ја сопрам деструктивната сила насочена кон Иран, и врз основа на договорот на Иран веднаш и целосно да го отвори Ормускиот теснец, се согласив да ги прекинам нападите и бомбардирањето на Иран две недели“, напиша Трамп на мрежата „TruthSocial“.
Договорот за прекин на огнот го потврди и новинската агенција Тасним, која е блиска до Иранската револуционерна гарда, која објави дека американскиот претседател „се повлекол“ откако го добил планот на Техеран за прекин на непријателствата.
По прогласувањето на прекинот на огнот, цената на нафтата веднаш падна за 15 проценти.
Портпаролката на Белата куќа, Каролин Ливит, го поздрави двонеделното прекин на огнот во војната со Иран, нарекувајќи го договорот „победа“ за Соединетите Американски Држави.
„Ова е победа за Соединетите Американски Држави, овозможена од нашиот претседател (Доналд) Трамп и нашата неверојатна војска“, напиша Ливит рано утрово на мрежата X.
ИЗДВОЕНИ
Саламите полни со вода, а сувомеснати пресолени за да се сокрие третокласното месо
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
