Алкараз загуби 3,3 милиони долари затоа што се повче од мастерсот во Шангај

Светскиот тениски рекет број еден Шпанецот Карлос Алкараз, ги разочара тениските фанови кога се повлече од Мастерсот во Шангај каде што можеше да ја брка својата деветта титула во сезоната. Сепак, по освојувањето на турнирот во Токио, тој одлучи да направи пауза, а многумина беа загрижени од зборовите на младиот тенисер, кој откри дека веќе некое време имал физички проблеми. Откажувањето на турнирот од серијата 1000 во Кина дури ќе го чини малку повеќе од милион долари.

„Многу сум разочаран што објавувам дека се повлекувам од Мастерсот во Шангај. За жал, веќе некое време се мачам со физички проблеми и, по разговорите со мојот тим, донесовме одлука дека е најдобро за мене да се одморам и да се опоравам“, објави Шпанецот, што влијаеше на извлекувањето во Шангај.

Неговото повлекување ќе влијае на неговиот награден фонд на крајот од годината, бидејќи според тенискиот инсајдер Хозе Морон, тој ќе остане без значителна сума пари.

АТП доделува огромен бонус на играчите кои ќе освојат најмногу поени на сите Мастерс турнири и на АТП финалето. Оваа сезона, 21 милион долари ќе бидат распределени меѓу првите 30 играчи. Ова се оние кои освоија најмногу поени на деветте Мастерс турнири и на завршниот турнир на крајот од годината.

Алкараз имаше можност да освои дури 4,5 милиони долари бонуси на крајот од 2025 година, но по откажувањето на Шангај, ситуацијата се промени.

Според правилата, играч кој не учествува губи 25% од износот на бонусот што го добил за учество на секој Мастерс турнир 1000. Неговото повлекување од Шангај ќе ги намали 4,5 милиони долари за 1.125.000 долари. Откако ги пропушти Мастерс турнирите во Торонто и Мадрид, тоа значи дека вкупно ќе изгуби околу 3,3 милиони долари, оставајќи само гореспоменатата сума од нешто повеќе од еден милион долари за заработка на завршниот Мастерс турнир.