Алкарас гази, Вавринка најпријатно изненадување на АО  

Светскиот тениски рекет број еден Карлос Алкарас, без премногу потешкотии се пласира во осминафиналето на Австралија опен, откако го победи Корентин Муте со 3:0 (6:2, 6:4, 6:1). Мечот на „Род Лејвер Арената“ траеше два часа и седум минути, а Шпанецот одигра одличен меч.

Данил Медведев мораше да игра маратонски меч против Фабиан Марошан и го победи со 3:2 по три часа и 46 минути борба. Унгарецот поведе по тај-брејк во првиот сет, а потоа вториот го доби со 6:4. Сепак, тогаш Медведев се „разбуди“, па до крајот ги доби сите три сета со 7:5, 6:0 и 6:3.

Шампионот на Австралија опен од 2014 година Стан Вавринка од Швајцарија е најпријатното изненадување во второто коло на овој гренд слем турнир. Четириесет годишниот Швајцарец покажа дека уште игра на високо ниво, иако на турнирот настапува со вајлд карта.

Трикратниот гренд слем шампион во денешниот меч по 4,5 часа игра со неколку пресврти го совлада Французинот Артур Геа со 3:2 во сетови, иако противникот водеше со 2:1 во сетови. Во решавачкиот сет Вавринка го доби тајбрејкот со 10:3 на поени.

–  Добро се забавував, не сум веќе млад и потребна ми беше таа енергија, изјави Вавринка, кој во следното коло ќе игра против Американецот Тејлор Фриц.

Арина Сабаленка си ја заврши задачата и се пласира во осминафиналето на Австралија Опен, победувајќи ја Анастасија Потапова со 2:0. (7:6, 7:6).

Ива Јовиќ направи сензација елиминирајќи ја седмата тенисерка на светот Јасемине Паолини (2-0). Американката со српско потекло го доби првиот сет со 6:2, а вториот во тај-брејк со 7:3 и по час и 48 минути борба се пласира понатаму.

Во осминафиналето се пласира и Коко Гоф, која со пресврт ја победи Баптист (2:1), а победи забележаа Путинтсева и Мухова.