Двократниот апсолутен светски шампион во тешка категорија, Украинецот Александар Усик, има потреба од време за одмор и за размислување пред да одлучи за следниот чекор во боксерската кариера. Ова го изјави Сергеј Лапин, раководител на тимот на Усик и директор на компанијата „Рејди ту фајт“, во услови на барања за задолжителна одбрана на титулата на ВБО против Џозеф Паркер.
„Во текот на својата професионална кариера, Александар Усик и неговиот тим докажаа дека ги почитуваме сите потенцијални противници, како и правилата на професионалните боксерски организации“, се вели во соопштението на „Рејди ту фајт“.
„Во текот на изминатата година Усик постигна историско достигнување станувајќи двократен апсолутен светски шампион во тешка категорија. Ова бараше колосални физички и психолошки напори и огромни жртви.
Шампионот заслужува можност да му дозволи на своето тело да закрепне од исцрпувачките тренинзи и повредите што честопати остануваат незабележани од гледачите. И најважно од сè, да има време само да се опушти и да биде со своето семејство.
Го заработи правото да ја избере својата иднина – и да одвои онолку време колку што му е потребно за да донесе одлука. Затоа, луѓе, не брзајте со нови борби“, заклучи Лапин.
ИЗДВОЕНИ
Лозарите незадоволни од цената на смедеревката и на вранецот – во Србија се трипати поскапи
Тројца странски експерти ќе истражуваат дали се правеле непотребни операции за профит
Од реформи чекор по чекор, преку робусна акција, премиерот најави сериозна робусна акција во правосудството
Стариот инвентар и стравот од ќотек спакувани во картонски кутии
