По 13 незаборавни години, легендарниот хрватски фудбалер, Лука Модриќ, го напушти Реал (М) ова лето и реши да потпише договор со Милан, каде што секако беше пречекан како најголема ѕвезда, што всушност и е.
Преселбата на Модриќ од Ла Лига во Серија А ја коментираше и контроверзниот Антонио Касано, поранешен напаѓач на Милан, Реал (М), Рома… познат по тоа што не штеди никого и честопати безмилосно ги критикува сите околу него, особено легендарните фудбалери.
Сепак, Касано овој пат „беше нежен“, можеби дека станува збор за човекот кој како играч од средниот ред освои 28 трофеи со Реал и беше освојувач на „Златната топка“ во 2018 година.
Касано го спореди Модриќ со Андреа Пирло, поранешниот играч од средниот ред на Милан, кој работеше со Макс Алегри, сегашниот тренер на „росоњерите“.
Во анализата на Касано, споредбата на Модриќ со уште еден фудбалски великан, Андреа Пирло, е неизбежна. Потсетувајќи се на управувањето на Алегри со Пирло за време на неговиот престој во Милан, Касано истакна како тренерот често го сведувал Пирло на улоги што не одговарале на неговите способности, како што е улогата во средниот ред со ван Бомел пред одбраната.
„Алегри никогаш не го сакал Пирло: потоа повторно го пронајде во Јувентус, и имало три, четири, пет играчи кои му рекле дека мора да игра затоа што е најдобар од сите“, изјави Касано.
Според Касано, Модриќ би можел да најде добра соработка со Алегри. „Модриќ ќе се сложува добро со Алегри: тој нема да му каже ништо, ќе му каже да прави што сака“, сугерираше поранешниот напаѓач. Овој пристап би можел да му овозможи на Хрватот да се изрази без прекумерен тактички притисок.
Касано го замислува Модриќ како клучен играч во средниот ред, со можност да дејствува и пред одбраната и како централен играч за врска, особено сега кога Милан го донесе Ричи во своите редови.
Клучна точка во говорот на Касано беше споредбата на стадионите во Милано и Торино. Зборувајќи за дополнителниот притисок со кој се соочува играчот во Милан во споредба со Јувентус, тој нагласи дека средината на „росонерите“ може да биде построга.
„Едно е, со сето должно почитување, да играш во Торино, а друго е да играш во Милан: по три лоши додавања, те исвиркуваат“, забележа Касано, тврдејќи дека трибините на „Сан Сиро“ можат да станат и меч со две острици и хор на охрабрување за оние кои ќе успеат да ги освојат.
Модриќ полни 40 години во септември, но е обожаван во Милано и се очекува да биде движечка сила во средниот ред.
