Познатиот сатиричар Флоријан Бинај ја објави својата кандидатура за градоначалник на Тирана, со поддршка на Сали Бериша, лидер на опозициската Демократска партија.
Вонредните избори во главниот град на Албанија се закажани за 9 ноември, откако поранешниот градоначалник Ерион Велијај беше отстранет од функцијата поради затворска казна изречена под сомнение за корупција и злоупотреба на службената должност. Тој ги негира обвинувањата. Победникот на изборите ќе ја извршува функцијата две години, до следните локални избори на национално ниво.
Бинај, познат по своите импресивни имитации на социјалистичкиот премиер Еди Рама и неговите појавувања на телевизија во ударниот термин, во саботата објави дека има намера да се кандидира за функцијата, објави порталот „Политико“.
View this post on Instagram
„Одлучив да ја објавам мојата кандидатура за градоначалник на Тирана. Верувам дека мојот придонес, иако е само половина од мандатот, ќе служи на надежта и единството и ќе го подобри животот на сите жители на главниот град“, напиша тој во објава на Фејсбук.
Неговата одлука брзо ја доби поддршката на Бериша, кој самиот се соочува со правни проблеми. Во понеделник, тој рече дека сите опозициски гласачи и партии треба да ја поддржат кандидатурата на комичарот, а повикот го предводи неговата централно-десничарска Демократска партија.
Не се сите убедени дека Бинај има капацитет да управува со годишниот буџет на главниот град од 250 милиони евра, а локалните коментатори предупредуваат на неговото неискуство во администрацијата.
Бериша за „Политико“ изјави дека „Флорјан Бинај е бестрашен општествен активист, храбар претставник на граѓанските интереси, особено во борбата против корупцијата и на екранот и надвор од него, и извонреден комуникатор. Тој го отелотворува токму она што го бара албанската опозиција: не само начин да го прошири својот дострел, туку и одговор на растечката потреба за чисти, млади и урбани јавни профили“.
„Политко“ пишува дека кандидатурата на Бинај предизвикала споредби со украинскиот претседател Володимир Зеленски, кој бил успешен актер и комичар пред да влезе во политиката.
Сепак, не се сите убедени дека Бинај има капацитет да управува со годишниот буџет на главниот град од 250 милиони евра, а локалните коментатори предупредуваат на неговото неискуство во администрацијата.
„Тука зборуваме за управување со градот, а не за кабаре шоу“, рече аналитичарот и поранешен политичар од Демократската партија, Едвин Кулури.
