Ал Пачино скршен по смртта на Дајан Китон! Таа беше негова голема љубов, но ја пушти да си оди

По смртта на Дајан Китон, добитничка на Оскар и холивудска икона, актерот Ал Пачино (85) вели дека е скршен од тага и длабоко жали што никогаш не се оженил со неа.

Нивната бурна љубовна приказна траела речиси две децении – започнала на снимањето на филмот „Кум“ во 1972 година, а завршила во 1990 година кога Китон поставил ултиматум, а Пачино го одбил бракот.

„Знам дека засекогаш ќе жали што не го направил тој чекор кога имал шанса“, изјавил близок пријател на актерот за Дејли Меил.

„Со години по раскинувањето, тој велел: „Ако требало да биде, никогаш не е предоцна“. Но, сега, за жал, е“, додаде тој.

Иако живееле на пешачка оддалеченост еден од друг во Беверли Хилс, Пачино и Китон никогаш повеќе не проговориле.

„Ми рече: „Нема потреба да се зборува. Сè што треба да се каже е веќе кажано“, открива изворот.

Нивната љубовна хемија на филм се преточи во приватниот живот, а Китон постојано нагласуваше колку е вљубена во него.

„Бев луда по него. Беше шармантен, забавен, постојано зборуваше… И, ох, беше толку убав“, изјави таа за People во 2017 година.

Во истото интервју, Китон призна дека иако сакала брак, знаела дека тоа нема да функционира долгорочно.

„Тој бараше жена која ќе се грижи за него. Јас сакав маж кој ќе се грижи за мене… Важно беше да се пуштиме еден со друг. Но, тоа не беше моја одлука“, истакнала  Китон.

На 45-годишнината од наградите AFI во 2017 година, Пачино јавно и оддаде почит на Китон.

„Дајан, ти си уметник. Голем уметник. Те сакам – засекогаш“, рече тој тогаш на сцената, со солзи во очите.