Соединетите Американски Држави (САД) и Иран постигнаа договор, но американскиот претседател Доналд Трамп сè уште не го одобрил, објави денес „Аксиос“, повикувајќи се на двајца неименувани американски претставници.
САД и Иран постигнаа договор за 60-дневен меморандум за разбирање насочен кон продолжување на сегашниот прекин на огнот и започнување разговори за нуклеарната програма на Иран, објави „Аксиос“.
Сепак, договорот сè уште треба конечно да биде одобрен од американскиот претседател, соопштија американски претставници.
Претседателот им кажал на медијаторите дека сака неколку дена да размисли за тоа, додадоа истите извори.
Според нив, ќе биде укината и поморската блокада на САД, но тоа ќе биде условено од продолжување на комерцијалниот поморски сообраќај.
САД ветија дека ќе разговараат за ублажување на санкциите и ослободување на замрзнатите ирански средства како дел од преговорите.
Меморандумот за разбирање, исто така, вклучува воспоставување механизам што ќе му овозможи на Иран да продолжи да прима стока и хуманитарна помош, пренесе „Бета“.
ИЗДВОЕНИ
Одекнаа зурлите, се облекоа носиите, се разбуди срцето на традицијата – во Галичник, на Петровден, љубовта се мери со векови/ ФОТО
Затворениците без работа, пазарот без работници – неискористениот потенцијал зад решетки
Аларм од камионџиите: Сè потешко се опстанува на европските патишта
Во Дојран може да се летува за помалку од 200 евра, но и покрај ниските цени, нема туристи
