Британскиот боксер Тајсон Фјури (36) ќе се врати од пензија и повторно ќе влезе во рингот наредната година. Веста ја потврди моментално највлијателниот човек во светот на боксот, Турки Алалших, кој рече дека разговарал со „Кралот на Ромите“ и дека му ветил дека ќе се врати следната година.
„Разговарав со него, имам негов збор дека ќе биде дел од сезоната во Ријад, во 2026 година. Сè уште имаме многу работи да направиме заедно“, рече Алалших.
Фјури последен пат влезе во рингот минатата година. Во декември, тој се бореше по втор пат против Александр Усик и загуби со едногласна одлука на судиите. Тоа беше неговиот втор пораз, во неговата професионална кариера, првиот исто така му го нанесе Усик. Тој меч се одржа во мај минатата година, беше борба за апсолутен шампион во тешка категорија и најголемата боксерска борба во 21 век. Усик потоа победи, исто така со одлука на судиите, а Фјури го претрпе првиот пораз. Тој победи 34 пати, 24 со нокаут, а последен пат славеше во 2023 година кога ја победи ММА ѕвездата Франсис Нгану.
Британскиот боксер во тешка категорија, пак објаснува дека е подготвен да се откаже од пензионирањето, но само ако тоа е за трета борба со Александар Усик.
„Ако се вратам, тоа ќе биде за Усик. Но, сакам фер резултат во Англија“, рече тој јасно.
Фјури го објави своето пензионирање недолго по поразот од Усик. Сепак, гласините продолжија да циркулираат, поттикнати главно од Еди Херн, промоторот на Џошуа. Но, Фјури се чини дека не сака да чуе ништо од тоа. Се чини дека Тајсон се помирил со своето пензионирање, но останува активен во медиумите.
„Ги освоив сите појаси, за што би се вратил? Дали љубовта кон боксот е поважна од моето здравје? Мора сериозно да го сфатите вашето здравје бидејќи тоа е вашето вистинско богатство“, вели Фјури.
