Ирански пратеник предупреди дека Иран би можел да го прошири својот одговор на војна надвор од Блискиот Исток и дека дури и „личната палата“ на американскиот претседател Доналд Трамп би можела да биде цел, според изјавите објавени од иранскиот весник „Дидбан Иран“.
Пратеникот е идентификуван како Амир Хајат Могадам, член на иранскиот парламент и неговиот комитет за национална безбедност и надворешна политика, објави „Џерусалем пост“.
Мар-а-Лаго е одморалиште и национално историско обележје на остров во Палм Бич, Флорида. Имотот има 126 соби и се простира на површина од 5.810 квадратни метри на имот од 7 хектари. Од 1985 година, е во сопственост на Доналд Трамп, 45-тиот и 47-миот претседател на Соединетите Американски Држави.
„Иран би дал катастрофален одговор доколку биде нападнат од Соединетите Американски Држави“, рече ирански пратеник.
Според извештајот, Могадам рекол дека Иран би можел да потопи американски воен брод во Оманското Море, да нападне американски бази во регионот и да ги таргетира американските сили, вклучувајќи „војници, офицери или генерали“.
Нападите можеби нема да бидат ограничени само на Блискиот Исток
Тој, исто така, сугерираше дека иранските напади можеби нема да останат ограничени само на Блискиот Исток и би можеле да стигнат до самите Соединетите Американски Држави, додавајќи дека „личниот дворец на Трамп“ еден ден би можел да биде погоден, во очигледна алузија на Мар-а-Лаго.
На насловната страница на „Дидбан Иран“ е објавен наслов од интервју со истата формулација и Могадам е идентификуван како член на парламентарен комитет.
Властите на САД сè уште не ја коментирале заканата. „Ројтерс“ претходно објави предупредување на претседателот Трамп дека Иран мора да постигне договор во рок од 10 до 15 дена и закани на Техеран дека ќе возврати на американските бази во регионот доколку бидат нападнати.
Amir Hayat Moghaddam, a member of the Iranian Parliament, recently stated that, in the event of an armed conflict with the United States, Iran could target sites located on American territory, specifically mentioning Donald Trump’s Mar-a-Lago residence. pic.twitter.com/kbYb6wCxg1
— Ph.Gritti (@Philipp27960841) February 22, 2026
