Властите на Флорида денес соопштија дека осумгодишно момче е префрлено со хеликоптер во болница во Мајами откако било нападнато од ајкула во близина на островот Ки Ларго, во најјужниот дел од државата.
Инцидентот се случил во понеделник, а состојбата на момчето засега е непозната, објави ABC News.
Властите ги известиле крајбрежната стража на САД и Комисијата за заштита на рибите и дивите животни на Флорида за инцидентот.
Нападот е последен во низата слични инциденти во регионот на островот Флорида, а минатиот јули, 37-годишен маж преживеал повеќе каснувања од ајкула додека ловел риба во близина на гребен кај Ки Вест.
