Двократниот МВП на НБА-лигата, Јанис Адетокумбо, е подготвен да го напушти Милвоки пред крајниот рок за размена на 5 февруари, бидејќи повеќе тимови доставија сериозни понуди. Тимот првпат покажа поголема отвореност за преговори, објави „ЕСПН“.
Бакс, кој има скор од 18-27 и е на 12. место во Источната конференција, не е под притисок веднаш да направи размена и е подготвен да чека до летото, освен ако не добие пакет што вклучува врвен млад играч и/или голем број пикови на драфтот. Меѓу најзаинтересираните тимови се Мајами, Минесота, Њујорк и Голден стејт.
Според американски извори, Адетокумбо со месеци јасно става до знаење дека верува дека е дојдено време да се збогува по повеќе од 12 години во Милвоки. Тој има право на четиригодишно продолжување на договорот од 275 милиони долари на 1 октомври, а без продолжување, може да стане слободен агент во 2027 година.
Јанис има просек од 28 поени, 10 скока и 5,6 асистенции оваа сезона, постигнувајќи рекордни 64,5 % од поле за играч со најмалку 25 поени по натпревар. Бакс има скор од 15-15 со него на теренот и 3-12 без него. Тој моментално е надвор од игра поради истегнување на листот, а датумот на неговото враќање е неизвесен.
Неизвесноста околу неговата иднина создаде тензии во тимот и меѓу навивачите, а сè повеќе се зборува дека „е само прашање на време кога ќе замине“.
