Адем, единствениот преживеан син на палестинската педијатарка Ала ал-Наџар, е испратен во Италија на понатамошно лекување.
Кон крајот на мај оваа година, целото семејство на д-р Наџар – девет деца и нејзиниот сопруг – беше убиено во израелски напад. Преживеал само 11-годишниот Адем, но со тешки повреди. Тој денеска отпатува на лекување во Италија.
Педијатарот д-р Ала ал-Наџар, еден од сè помалиот број лекари во Газа, работеше во болничкиот комплекс Насер во Кан Јунис, грижејќи се за ранетите деца.
Тој мај, само неколку часа откако пристигнала на работа, во истата болница пристигнале изгорените тела на седум нејзини деца, убиени во израелски воздушен напад кој го уништил нивниот дом. Телата на уште две деца, меѓу кои и шестмесечниот Сајден, останаа под урнатините. Од десетте деца, само 11-годишниот Адам преживеал, заедно со неговиот татко, докторот Хамди ал-Наџар.
Но, и Хамди почина неколку дена подоцна од повредите.
