Поранешниот вицепремиер и обвинет за злоупотребите во државната лотарија е донесен во истражниот затвор Шутка во 9.20 часот, спроводот е направен од полициски службеници, изјави директорот на затворот Бобан Утковски. Притвореникот е сместен во ќелија заедно со уште едно лице и веднаш бил направен разговор со директорот. Кажал дека е во пост и оти треба да биде под посебен режим на исхрана, направен му е лекарски преглед и бил прашан дали прима лекарска терапија. Засега според информациите во затворот Груби не е посетен од неговиот адвокат. Според директорот на затворот, Груби бил кооперативен. Сместен е во безбедна ќелија каде ќе биде под будност на затворските власти, вели Утковски за весникот Вечер.
Груби е приведен од граничниот премин Блаце,утринава околу 6.30 часот, веднаш е спроведен во притвор во Шутка. Неизвесно е дали ќе оди пред судија на претходна постапка, само ако бара повторување на постапката. Груби беше во бегство од крајот на декември 2024 година и по него беше распишана меѓународна потерница. (П.А.)
ИЗДВОЕНИ
Се појави на граничниот премин „Блаце“: Приведен Артан Груби
Украина станува земја на вдовици и сирачиња: „Ова е катастрофа, ниедна земја не може да опстане без луѓе“
НАЈАВИТЕ ЗА ЗАБРЗАНА ИНТЕГРАЦИЈА ВО ЕУ НОСАТ ДИЛЕМИ: Може ли членството во ЕУ без право на глас да биде крај на булингот врз Македонија?
Интервју за ВЕЧЕР (и порталот vecer.press) со популарниот поп-пејач, Влатко Лозаноски-Лозано, пред неговиот голем скопски концерт во „Борис Трајковски“
