Поради лавина, возот излета од шините утрово во близина на швајцарското село Гопенштајн во кантонот Вале, а полицијата се сомнева дека во несреќата се повредени неколку лица, објавија швајцарските медиуми.
Спасувачката акција сè уште е во тек, се наведува во соопштението. Во моментот кога возот излетал од шините, според веб-страницата на Помона, имало околу 80 патници, објавува швајцарскиот јавен сервис РТС.
Несреќата се случила околу 7 часот утрово во кантонот Вале, на југозапад од Швајцарија, објави полицијата на социјалната мрежа X.
Според швајцарските федерални железници лавина е причина за несреќата.
Железничкиот сообраќај на тој дел беше прекинат, а се очекуваат доцнења и откажувања на возови.
