Во скопската гимназија „Раде Јовчевски-Корчагин“, пред професори и обучувачи од невладините организации, денеска беше промовиран дигиталниот прирачник за социјално претприемништво, филантропија со дигиталните алатки: вештачка интелигенција, канва, селфи и други за професори.
Станува збор за завршен настан од Еразмус-проектот „Students todey responsible entrepreneurs tomorrow-teacher toolkit 2“, во кој, освен гимназијата „Раде Јовчевски-Корчагин“, се вклучлени и невладината организација „Арна“ од Македонија, гимназија од Литванија, од Италија и невладина организација од Романија. Тие заедно го подготвија овој прирачник.
Професорката по англиски јазик и по иновации и претприемништво, Татјана Голчева, од која, всушност, и потекнува идејата за овој прирачник, истакна дека тој ќе служи за сите професори и тоа не само за оние што предаваат претприемништво туку и за оние што ќе можат да применат некои од дигиталните алатки во наставата.
– Прирачникот содржи готови часови по различни предмети, со моменти од социјалното претприемништво и од филантропијата – нагласи Голчева.
Помошник-директорката на гимназијата „Раде Јовчевски-Корчагин“ и професорка по економија, Лидија Стојчева, наведе дека дигиталниот прирачник е преведен на македонски, романски и на литвански јазик, може да се најде на веб-страницата на проектот stret.tt.2 и е бесплатен за користење.
(А.П.)
ИЗДВОЕНИ
„Ако не ги зголемите нашите доаѓаме по вашите плати“, порача претседателот на ССМ Слободан Трендафилов од протестот
Македонците сакаат во ЕУ, но без Бугари во Уставот
Остри тонови, млака политика – Скопје и Софија во нов дипломатски судир
Синдикатите порачаа: Не застануваме, ќе ја блокираме државата ако нема зголемување на платите
