„Сите знаеме што значат тие два прста на Вини“

Како и многу пати досега, бразилскиот интернационалец од редовите на шпанскиот гигант Реал (М), Винисиус Јуниор, повторно е вмешан во скандал. Не е тајна дека крилниот напаѓач обожава да се расправа со противничките навивачи, а на 14 декември на гостувањето кај Рајо Ваљекано исто така не можеше да се воздржи.

По крајот на натпреварот кој заврши со поделба на бодовите (3:3), Винисиус влезе во тунелот и неколку пати им покажа два прста на домашните навивачи и на тој начин им го покажа патот кон втората лига.

И покрај тоа што третиот мадридски клуб е далеку од испаѓање (благодарение на ремито Рајо има 20 бодови и 13. место на табелата), „црвено-белите“ реагираа жестоко.

Претседателот на мадридскиот клуб, Мартин Преса, проговори за постапката на скандалозниот Бразилец и смета дека е ниско да се посакува испаѓање на Рајо Ваљекано.

„Однесувањето на Винисиус е непримерно. Во суштина, тој им порачува на нашите навивачи: „Одете во втората лига“. Тоа е срамно“, рече претседателот Реј.

Плашејќи се од санкции за евентуално навредување на Винисиус (нешто што е нормално во Ла Лига), Преса реши проактивно да ги заштити своите фанови.

„Имајте на ум дека луѓето се однесуваа нормално. Но, доколку некој биде испровоциран и каже нешто недолично или фрли предмет на теренот, веднаш ќе бидеме казнети. Како е виновен Рајо за ова? Пред се, фудбалерите треба да бидат професионалци, а не да се однесуваат така кон публиката“, додаде тој.

Претседателот го заврши својот говор со апел до сите фудбалери да бидат повоздржани.

„Треба да имате почит бидејќи некому не е во ред да му посакувате зло. Фудбалерите мора да имаат пристоен однос кон противниците. И тогаш се прашува зошто не му ја даваат Златната топка?.