Првиот заменик претседател на Владата и министер за животна средина и просторно планирање Изет Меџити и амбасадорката на Шведска Н.Е Ами Ларсон Џеин потпишаа Меморандум за соработка за спроведување на проектот „Поддршка на пристапот на Северна Македонија во ЕУ во областа на животната средина – Фаза 2“.
Со шведската помош ќе се работи на зајакнување на капацитетите на МЖСПП во координацијата и управувањето со процесот на приближување кон ЕУ и олеснување на преговорите од Поглавјето 27, како и подобрување на интерсекторска и меѓусекторска соработка.
Исто така, ќе се работи на зголемување на капацитетот и соработката помеѓу креаторите на политики и засегнатите страни на локално, национално и регионално ниво. Проектните активности ќе бидат сконцентрирани во секторот за ЕУ Интеграција на МЖСПП и во делот на управување со биолошката разновидност и климатската адаптација.
Проектот ќе се спроведува до 31 мај 2027 година. Финансиите, во висина од 1.7 милиони евра, се обезбедени преку Шведската агенција за меѓународна развојна соработка (СИДА), а го спроведува Шведската агенција за животна средина во соработка со Министерство за животна средина и просторно планирање.
ИЗДВОЕНИ
ЖИВОТНИ ПАТОКАЗИ, ЗОРАН КРСТЕВСКИ: Влијанието на траумата врз децата и младите
Падна договор – 11.000 административци со повисоки плати, граѓаните сонуваат подобри услуги
Даниел Кајмакоски бил киднапиран во Белград, сега е добро и дома, потврди македонскиот ПР тим
Поранешна обвинителка на СЈО со шокантни откритија за неговото (не) функционирање
