Во моментов има 213 000 туристи во Хрватска, од кои 183 000 се странски и 30 000 домашни, според податоците на eVisitor пријавени од Министерството за туризам и спорт (МИНТИС), истакнувајќи дека е надминат бројот од 200 000 туристи за еден ден.
Најголем број на ноќевања реализирале туристи од Германија, повеќе од 50 илјади, а потоа следат домашните туристи со повеќе од 30 илјади. Туристите од Словенија оствариле скоро 27 000 ноќи, од Австрија 26 000, Полска 17 000 и од Чешка повеќе од 16 000.
– Ова е потврда дека туристите ја гледаат Хрватска како безбедна дестинација за престој и одмор. Ги направивме сите предуслови за тоа, а почитувањето на епидемиолошките мерки е сè уште клучно за да се одржи оваа поволна епидемиолошка состојба и да се постигне успешна сезона – рече министерот за туризам и спорт Никола Брњац.
