Шведскиот репрезентативец Хампус Ване потпиша договор до 2025 година со екипата на Барселона. Едно од најдобрите леви крила на денешницата ќе биде конкуренција за Аитор Арињо. Каталонците завршија голема работа и дополнително го засилија ростерот во пресрет на новата сезона.
Швеѓанецот стави крај на долгата авантура во Фленсбург, каде играше девет сезони. Сега е подготвен да му се приклучи на европскиот првак и да тргне во поход кон големи трофеи.
Ване беше еден од најдобрите во репрезентацијата на Шведска на патот до златниот медал на Европското првенство оваа година.