Четирикратниот шампион во Формула 1, Себастијан Фетел, призна дека не си поставил цел да се врати во Ред бул откако го напушти Ферари во 2020 година, и покрај тоа што разговарал со челниците на австрискиот тим.
- Донесов одлука да му се приклучам на Астон Мартин пред да се разговара за прашањето за напуштање на Алекс Албон. Така што никогаш не сум бил навистина блиску до тоа. Но, секако дека го познавам Кристијан Хорнер. Имав краток разговор со него, но не беше навистина сериозен – изјави 35-годишниот Германец за „Мотоспорт“.
