„Јосиф Михаиловиќ – творец модерно Скопје“ е наслов на трибината и изложбата во организација на српскиот културно-информативен центар Спона што на 15 ноември во 19 часот ќе се одржи во Музејот на град Скопје.
За архитектурата, урбанизацијата и градежните активности, развојот на Скопје и околината за време на неговиот мандат, како градоначалник на Скопје (1929 – 1936), ќе зборуваат архитект – Сања Раѓеновиќ Јовановиќ, геолог – Сокол Клинчаров и историчар – Милош Стојковиќ.
На изложбата на фотографии, планови, скици на научни трудови, негови лични белешки, научни трудови, ќе бидат опфатени објекти изградени во и околу Скопје: Зградата на Собранието, Домот на Црвениот крст и сл. Уредување на плоштадот пред паркот Жена борец, Зеленото пазарче…
На настанот премиерно ќе биде прикажан краткиот интерактивен филм на Јосиф Михајловиќ – основач на модерното Скопје.
