Со организираниот фудбалски натпревар помеѓу младите на Фудбалската академија на Ф.К. Шкупи и Ф.К Влазрими од Слатино, во спортската сала „Енвер Идризи“ во Чаир започна реализацијата на проектот под мотото “Спорт да, дрога не“.
Со ова Општина Чаир и Министерството за внатрешни работи отворија едно ново поглавје на меѓуинституционална соработка за зајакнување на едукативните механизми за заштита на личноста на нашите млади од деструктивните појави.
По повод овој настан градоначалникот на Општина Чаир, Висар Ганиу истакна:
„Испраќаме јасна порака против деструктивните феномени како што е дрогата преку промовирање на спортот како уникатна вредност за нашата здравствена виталност. Продуктивната соработка со Министерството за Внатрешни Работи ќе ја продолжиме преку теоретските и практичните лекции за нивното ориентирање кон патот на здравата иднина”.
