Бајадерата е десерт за сите генерации и сите годишни времиња. Веројатно и вие сте љубител на добра домашна бајадера, чоколаден десерт кој е збогатен со мелени бадеми, лешници или ореви, што ѝ дава на бајадерата специфичен и препознатлив вкус.
Ви предлагаме да подготвите малку поинаков рецепт за бајадера – со кикирики.
Состојки:
- 200 гр путер
- 200 гр шеќер
- 100 мл млеко
- 200 гр чоколадо
- 100 гр печени кикирики
- 300 гр мелени кекси
- 2 лажици масло
Подготовка:
На оган стопете го путерот, додадете шеќер, па кога ќе се соедини, додадете 100 гр чоколада, млеко, кекс и мелени кикирики (несолени, печени кикирики).
Ставете ја смесата во помала тава, измазнете ја, а потоа прелијте ја со глазура од 100 гр. чоколадо и две лажици масло.
Оставете ја да се излади, исечете ја на мали правоаголници…и уживајте во слаткиот вкус!