Ски-центрите во Бугарија ќе останат отворени. Бугарија го отфрли предлогот на германската канцеларка Ангела Меркел за затворање на зимските одморалишта во Европа за ограничување на ширењето на КОВИД-19. Франција и Италија веќе го поддржаа предлогот.
Берлин побара од Европската унија да постигне општ договор за одложување на почетокот на зимската сезона барем дo почетокот на јануари. Канцеларката Ангела Меркел рече дека се прават напори да се постигне европско решение во овој поглед.
Сепак, бугарското Министерство за туризам одговори дека Боровец, Банско и Пампорово се безбедни, бидејќи сериозни инвестиции во анти-епидемиски мерки беа направени во октомври. Според мерките, туристите мора да носат заштитна маска кога се во кабината и на линиските станици.
Ветувањата на властите во Бугарија се дека туристичките центри ќе се отворат на 21 декември.
