Општина Центар продолжува со активностите за реконструкција на улиците кои се под нејзина надлежност.
– Денес, на вкупна површина од 3.233 квадратни метри започнавме да ја реконструираме улицата „Периша Савелиќ“ на Водно. Досега, во овој дел од општината ги реконструиравме улиците „Загребска“, „Караорман“, „Бигла“, „Димитар Пандилов“, потоа „Ганчо Хаџипанзов“, „Капештец“, „Питу Гули“ и други, а наредна за реконструкција е улицата „Тодор Александров“ – информира градоначалникот Саша Богдановиќ.
