Напредува изградбата на затворениот базен во основното училиште „Димитар Поп Ѓеоргиев Беровски“.
Градоначалникот на Општина Ѓорче Петров, Александар Наумоски информира дека е поставена монтажната челична конструкција.
– И покрај отежнатите услови предизвикани од пандемијата темпото на изградба е задоволително. Се наоѓаме во еден исклучителен важен здравствен период, но исто така важна е и спортската инфраструктура, затоа што по завршување на кризата ќе треба да ги подигнеме спортските стандарди и задравиот начин на живот пред се кај најмладите – истакна Наумоски при увидот на грдежните работи.
Базенот е дел од проектот за изградба на 14 затворени базени на Агенцијата за млади и спорт. Проектот е со вредност од 38 милиони денари.
Затворениот базен е со димезии 20,40 на 30,35 метри, со длабочина од 0,9 до 1,4 метри.
– Со ова за прв пат во историјата Ѓорче Петров ќе добие современ, затворен базен, кој покрај учениците за време на викендите ќе може да го користат и граѓаните на општината – потенцираат од Општината.
