Осумкратниот шампион на овој грен слем турнирот Вимблдон, Роже Федерер, пристигна во Лондон и секако реши да го посети тенискиот храм. Швајцарецот оваа сезона ќе заигра на еден турнир по повеќе од една година пауза. Последен пат играше на Вимблдон минатата година кога загуби од Хуберт Хуркач во четвртфиналето. Неговиот прв турнир по паузата треба да биде во родниот Базел.
Федерер го поминува времето со децата и семејството, а се чини дека тенисот одамна не му е на прво место додека сите зборуваат за големата трка меѓу Новак Ѓоковиќ и Рафаел Надал за најдобриот на сите времиња. За многу е важно да се каже дека на таа трка Федерер кој освои 20 грен слем титули заостанува далеку зад третата позиција. Се уште не се знае колку Федерер ќе остане во Лондон, а Надал зборуваше за него по мечот против Лоренцо Сонега.
-Ми недостига Роже. На сите им недостига. Тој е веројатно мојот најголем ривал досега. Часовникот отчукува за сите и мора да се навикнеме да не го гледаме Федерер толку често, изјави Шпанецот.
Надал и Федерер играле еден против друг 40 пати, при што Шпанецот победил 24, а Швајцарецот 16, додека „Бикот од Мајорка“ одиграл 59 натпревари против Ѓоковиќ. Србинот 30 пати беше подобар од Надал со 29 порази, па во најмала рака е интересно мислењето на Шпанецот дека има поголемо ривалство со Федерер отколку со Новак.
