МВР продолжува со санкционирање на возачи на територијата на Град Скопје. Во последната акциска контрола полицијата запрела 13 возачи кои возеле под дејство на алкохол, а од нив десетмина биле санкционирани во општина Центар.
– На територијата на Центар изречени се вкупно 88 мерки, меѓу кои за пет за технички неисправни и нерегистрирани возила, седум санкции за користење мобилен телефон. Изречени се 10 мерки за управување под дејство на алкохол, шест за непрописно паркирање – информираат од СВР – Скопје.
Само на територијата на град Скопје изречени се вкупно 228 мерки, меѓу кои за возење без возачка дозвола 25 санкции, 11 за технички неисправни и нерегистрирани возила, 17 мерки за користење на мобилен телефон. Изречени се 21 санкција за непочитување на брзината на движење и 51 мерка за непрописно паркирани возила.
– Засилените сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот – велат од СВР – Скопје.