Оштетените од пропаѓањето на Еуростандард банка за утре најавуваат нов протест пред зградата на Народната банка која ја сметаат за еден од главните виновници за ситуацијата во која се наоѓаат.
Протестот што ќе почне во 15 часот се организира еден ден пред светскиот ден на штедењето, 30 октомври.
-Ги повикуваме на поддршка сите граѓани кои досега биле оштетени на кој било начин од овој наш банкарски систем да ни се придружат во борбата за правата на штедачите во целост, како и сите граѓани кои сакаат да живеат во праведно општество кое е регулирано од институции кои работат во интерес на граѓаните, а не на криминалците. На 30 октомври ќе протестираме, а на 31 октомври ќе мечтаеме дека еден ден доколку проработи праправниот систем и совеста на политичарите, и ние ќе славиме повторно, се вели во нивното соопштение.
