Дали знаевте дека во Јапонија има два острови каде живеат речиси само мачки. Ги има навистина многу, многу повеќе од луѓето. Тоа се островите Тахироџима и Аошима, познати како „острови на мачките“.
Островот Тахироџима на којшто живеат околу 100 луѓе и 500 мачки, стана светски познат. Просечната возраст на луѓето е 71 година, а сите млади си заминале.
Островот Аошима е мал остров, на кој кон крајот на минатиот век живееле 900 луѓе, а сега има само 13 стари лица. Сепак, островот не е напуштен бидејќи има 120 мачки со различни бои и раси.
Како биле донесени мачките овде?
Едноставно! Луѓето ги довеле да се справат со стаорци, а тие се размножувале повеќе од луѓето.
Овие острови се туристичка атракција. Луѓето од целиот свет доаѓаат тука да ги хранат и галат овие мачки, кои се главното обележје на двата острови.
