Во градинките „Орце Николов“ и „Мајски цвет“ во општина Карпош се спроведува програмата за Модуларно учење, или учење преку игра.
– Градинките се установи каде децата поминуваат голем дел од времето. Тука младите престојуваат, но ги стекнуваат и првите навики, имаат можност да ги добијат и првите знаења. Децата учат преку игра за појавите, годишните времиња, животната средина користејќи посебни дидактички материјали. Овој начин на учење ја зголемува комуникацијата меѓу нив, знаат како да решат проблем, да бидат толерантни и да соработуваат – напиша на Фејсбук градоначалникот Стефан Богоев.
