Медиуми: Србија нарачала оружје за дури 1,3 милијарди долари

55

Србија лани склучи договор за набавка на оружје и воена опрема во вредност од една милијарда и 318 милиони долари, што претставува сума поголема од вкупната вредност на сите набавки од крајот на 2016 година, кога почна процесот на модернизација на Војската на Србија, пренесе Бета.

Според порталот Белканска безбедносна мрежа, висината на договорените набавки е наведена во извештајот за работењето на јавното претпријатие Југоимпорт-СДПР за минатата година. Беше наведено дека се потпишани 287 поединечни договори со 31 земја.

„Податоците не се прецизирани кога се работи за делот од висината на тие договори наменети за вооружените сили, но се релевантни за проценката бидејќи Југоимпорт-СДПР е задолжена за сите набавки на стратешки важни средства за воени цели, а тој список го вклучува практично целото оружје и воената опрема“, се наведува во текстот.

Порталот додава дека дел од договорите се склучени за домашно производство во фабриката Борбени сложени системи, и други кои се во 100 отсто сопственост на Југоимпор-СДПР.

„Драматичното зголемување на набавката на оружје подразбира нови големи договори. Важен партнер беше Русија, од која четири борбени хеликоптери Ми-35М, три транспортери Ми-17В-5, две батерии на системот за противвоздушна одбрана Панцир-S1M, системи за противелектронски акции и борба против беспилотни летала…“.

Во текстот се потсетува дека практиката во големи зделки е дел од парите да се даваат како аванс, но не е јавна информација колку е платено на Русија за оружје кое сега не може да се добие поради меѓународните санкции и блокадата на руската економија.