Сопственикот на „Тесла“ и „Твитер“ Илон Маск предложи решение за актуелната банкарска криза во САД – Владата мора да ја укине сегашната горна граница на осигурување од 250.000 долари за сите депозити, за да ги спречи клиентите панично да ги повлекуваат парите.
Маск реагираше на медиумските извештаи дека американските функционери бараат начин привремено да ги осигураат депозитите над сегашната граница од четврт милион долари без да мора да добијат одобрение од Конгресот.
„Апсолутно неопходно“, рече Маск.
BREAKING: US officials are studying ways to let the FDIC temporarily insure deposits beyond the current $250,000 cap on most accounts, without having to get approval from Congress.
— unusual_whales (@unusual_whales) March 21, 2023
Минатата недела Маск ја повика Федералната корпорација за осигурување на депозити (FDIC) да ги осигура и депозитите на клиентите поголеми од 250.000 американски долари.