По вчерашното невреме кое ја зафати Општина Ѓорче Петров веднаш на терен излегле екипите на Комуналниот пункт на Општина Ѓорче Петров во координација со Пожарна Скопје и екипите на јавното претпријатие „Воовод и канализација“ и делуваат на критичните места.
Како што информираат од Општина Ѓорче Петров, се работи на сливниците за атмосферска канализација, а пожарната единица делува со пет тима на терен, општината располага со две пумпи и истите се активирани за поддршка на активностите.
Активностите ќе продолжат со цел брза санација на последиците.
Од фотографиите може да се види дека улиците во Ѓорче Петров се поплавени, а жителите реагираат дека одводот е во многу лоша состојба.
-Невреме виша сила, ама факт е дека одводот е во катастрофална состојба и не може да прифати посилен доќд, а и народот си фрла во шахтите се и сешто, па и тие се затнуваат. Главните одводни цевки се од по земјотресот инсталирани, а колку повеќе ѓители има оттогаш – коментира Зоран Крстевски.
Бојан Боле Тодоровски вели дека ова се вика после свадба трапани.
-Раскопајте се. Нови цевки поголеми, нови шахти и нема да има вакви проблеми – апелира тој.
Анамарија Каре пак смета дека мора редовно да се чистат шахтите.
-Имаме тротоар со бекатон плочки кој по нецела година пропадна целиот. Целата улица се претвора во река. Мора редовно одржување, па и нови цевки доколку е потребно – реагира таа.
По вчерашното невреме и силниот ветар што го зафати Скопје екипи на јавното претпријатие „Паркови и зеленило“ во текот на попладневните часови интервенираа на локациите по пријави за паднати дрвја и гранки.
-Се интервенираше до доцните веќерни часови и тоа на улиците: „Исаија Маџоски“, „Ангел Динев“,„Васил Чакаларов“, „Христо Чернопеев“, „Ацо Караманов“, „Виктор Иго“, на булеварите „3-та Македонска бригада“ и „Илинден“,
